Bròns pa Shamir Tremus den Panamerikano di Pool

98
Medaya di bròns pa Tremus.
WILLEMSTAD—E último evento, kual ta ‘Bola 9’ i ku a tèrminá ayera den e di 21 kampionato Panamerikano di Pool na Lima Perú, a resultá hopi bon pa nos pais. Esaki den kompetensia bálido pa e divishon hubenil.

 

Shamir Tremus

Shamir Tremus a duna bataya fuerte i a bin resultá den e grupo di 8. Akinan e mester a enfrentá e hóben argentino Angel Ledesma i ta gana ku skor di 6-2. Ku e viktoria aki e la resultá den medaya.

Su siguiente enkuentro tabata kontra Andres Aguilar di Costa Rica, kende ta un hungadó di hopi eksperiensha.

Un lucha formal den nan dos, a bin yega na skor empatá na 5.

Shamir, den su nervio ta benta e chèns di su bida afó, na momentu ku e ta faya un bola fásil ku lo a dun’é e chèns pa e bolbe yega mundial. Andres ta probechá i gana e partido 6-5 pa despues bin logra bira e kampion.

 

Kategoria femenino
Den sekshon femenino a bolbe keda demostrá ku nos damanan su nivel ta hopi abou. Rahil Moeniralam ta tèrminá na puesto 25 i Fabienne

Tremus na puesto 28.

 

Trabou pa FeBiKo

Ku e resultadonan aki, tantu di Bola 8, Bola 10 i sigur di Bola 9, ta mustra ku obligatoriamente FeBi Ko tin ku bai analisá partisipashon di e divishon aki den e próksimo panamerikanonan.

 

Felisitashon pa Shamir Tremus

Un pabien na Shamir Tremus ku otro medaya, e biaha aki e la logra medaya di bròns.

 

Boekhoudt i Rol mañan den akshon

Tur kos awor ta ku bista riba e evento mayor, unda ku nos representantenan Sybren Boekhoudt i Gemajel Rol lo bai mira akshon kuminsando mañan djaweps dia 22 ougustus 2019.

Éksito na nos atletanan aya na Lima Peru.