Dama ta bula for di buggy heridando su mes

353
Tantu Polis i tambe ambulans den Paradijs na unda e suseso a tuma lugá.
E vehíkulo for di kualke  dama mester a bula.
Willemstad— Tantu Polis i tambe personal di ambulans a keda dirigí riba un kaminda di tera den Paradijs pa un insidente ku a surgi unda un dama mester a resultá leshoná.
E  shofùr splikando Polis loke a sosodé den e  vehíkulo ora e tabata huntu ku e dama.
Dama víktima den Poli hañando asistensia.

Ayera den oranan di atardi a pidi asistensia di ambulans pa presentá ku urgensia riba un kaminda di tera den e bario di Paradijs pa un dama na suela ku tabatin un herida na su kabes i tabata sangra. E dama na e promé instante tabata for di su konosementu na suela drumi. For di investigashon a bin resultá ku e dama aki tabata koriendo den un buggy ku tabata ser manehá pa un hòmber. Dado momento e dama mester a bula for di e vehíkulo i herida su mes. E tabatin un kap  na su kabes i algun marka na su lomba. A bai Poli ku e víktima pa despues reshèrshinan tuma su deklarashon pa wak kiko presis a tuma lugá.