Dos promotor den guera ku otro pa wak kua ta haña e kantante promé

405
E la bira Suku na Hulanda, paso awor nan ta asta bringa pe.

WILLEMSTAD,—-manera ku nan ta bisa na Ingles kos ta Hot Hot na Hulanda. T’asina ku di informashon ku a drenta na nos mesa di redakshon ta bisa ku algun dia tras di lomba, dos promotor popular di Hulanda a pega ku otro pisa.

Nos fuente a bisa ‘E Mulina’, ku e dos promotor nan a pega ku otro rondó di e kantante di momentu ku ta Angelo Libinia. T’asina ku tur e dos promotor nan a buk e kantante pa e presentá na Hulanda,pero den dos luna diferente, esta òktober i novèmber.

Mester bisa ku e promotor ku tin e kantante den luna di òktober ta felis i kontentu di dje, pero e otro un promotor ku a buk e kantante pa luna di novèmber si ta hopi rabia, te ku nos a komprendé ku e la para presentashon di e kantante Angelo Libinia ku mester a tuma lugá den luna di novèmber.

‘E Mulina’, a haña informashon ku ta e promotor ku a buk e kantante den luna di novèmber a buk e kantante promé, i ta despues e otro un promotor a buk a kantante pa esaki presentá pe den luna di òktober, e kos a bai asina leu ku e promotor di novèmber a asta rabia ku e kantante ku tin e hit di momentu ku ta “Ma frei bo, ba basilá ku mi”. Paso e ta haña ku e kantante no mester a bin Hulanda den luna di òktober pa e otro promotor . Pero e kantante riba su mes no ta mira ningun problema, i e la hasi esaki ku su Kurason limpi. Mala Lenga nan di ku awor Angelo Libinia a bira manera Suku na Hulanda, paso awor nan ta asta bringa pe.