Gerente di GENTZ ta den negoshashon ku un Grupo Hubenil di Hulanda

329
E ta na mesa ku un grupo di Karnaval hubenil di Hulanda.

WILLEMSTAD,—-Di informashon ku na drenta na mesa di redakshon di ‘E Mulina’, direktamente for di  Hulanda ta bisa ku gerente di agrupashon musikal GENTZ TRE”CHIC ta den negoshashon ku Lider di un grupo di Karnaval Hubenil ku ta bai partisipá pa promé biaha den nos marcha di mucha.

Manera ku e informashon en kuestion aki a bira konosí serka di ‘E Mulina’, nos a drenta den kontakto ku gerente di agrupashon musikal GENTZ TRE’CHIC ku ta Archel Calister.  ‘E Mulina’, a haña kontakto mes ora ku Archel i den mes un rosea nos a puntra Archel kiko tin di bèrdat ku bo persona ta den negoshashon ku lider di un grupo di Karnaval Hubenil di Hulanda.

T’asina ku Archel a kontesta ‘E Mulina’, lo siguiente “Ami no ta komprondé kon bo ta yega na e informashon nan asina lihé, pero mi ta hopi kontentu ku den farándula tin un persona manera abo, paso bo ta tene nos farándula bon kayente. Oké lagami bisabu asina aki,bèrdat tin kombersashon nan ta tumando lugá, pero no tin nada konkreto ainda, tin algun kos mas ku mester kaba di atendé pa asina nos yega na un akuerdo ku otro, si mi mester bisabu ku bèrdat tin kombersashon nan serio ta tumando lugá”.

‘E Mulina’, ta na altura ku pa temporada di Karnaval 2020 lo bai tin sigur riba 8 grupo di Karnaval Hubenil nobo ku ta bai hasi nan debut. Esaki sin duda lo bai krese nos marcha di mucha, paso ya tin algun aña ku esaki a keda para na un kaminda pero awor direpente e interes a lanta for di tur skina.