Gian-Carlo Maduro a regresá kas bèk na Play FM na Boneiru

212
Djaluna awor e ta kuminsá laborá bèk na Radio Play FM na Boneiru.

WILLEMSTAD,—-Algun luna tras di lomba ‘E Mulina’, a haña informashon direktamente for di Boneiru ku ta bisa ku Gian-Carlo Maduro a bandoná Play FM. 97.1, esei tabata na e Radio emisora ku Gian-Carlo tabata laborá na dje.

E tempu ei e informashon a bira tópiko di kombersashon na Boneiru, paso práktikamente ningun hende no a spera ku Gian-Carlo Maduro lo a bandoná e radio emisora en kuestion. Pero esaki no a duru pa hopi tempu, paso ayera ‘E Mulina’, a haña informashon direktamente for di Boneiru ku otro siman djaluna Gian-Carlo Maduro ta hasi su regreso bèk na e mes un radio emisora Play FM.

Manera ku e informashon a bira konosí serka di ‘E Mulina’, nos a hisa nos telefon i hasi e yamada na Gian-Carlo Maduro. ‘E Mulina’, mester bisa ku mes ora nos a haña kontakto ku Gian-Carlo i den mes un rosea ‘E Mulina’, a bisa Gian-Carlo Maduro di e informashon ku nos ta disponé di dje.

Esaki ta loke ku Gian-Carlo Maduro a bisa ‘E Mulina’, “Mi tabata sa ku e informashon aki no ta keda skondí pa bo, mi sa ku bo tin hopi kontakto  aki na Boneiru. Asta mi por bisabu ku mi a spera bo yamada for di den kibra di mèrdia, oké lagami konfirmábu  esaki , djaluna awor mi ta kuminsá bèk na Radio Play FM, kaminda ku lo mi bai presentá notisia i mas despues mi programa normal”.