Gino “Blowi” Genaro posibel músiko nobo pa “ONE”

323
Tur kos ta indiká ku e lo bai ta otro músiko nobo di agrupashon musikal “ONE”.

WILLEMSTAD,—-Ketu bai informashon nan ta keda drenta na mesa di redakshon di ‘E Mulina’, t’asina ku ayera ‘E Mulina’, a haña otro informashon ku ta bai rondó di agrupashon musikal “ONE”. Nos a keda pone na altura ku tin negoshashon nan ta tumando lugá entre gerente di “ONE” i e músiko Gino “Blowi” Genaro.

Di informashon ku nos ta disponé di dje ta bisa ku tin tur indikashon ku Gino “Blowi”Genaro lo ta e posibel músiko nobo di agrupashon musikal “ONE”. Manera ku nos a haña e informashon en kuestion ‘E Mulina’, a drenta den kontakto ku “Dibo-D”.

Mester bisa ku despues di tres rin “Dibo-D” a kue nos yamada i mes ora ‘E Mulina’, a bis’é di e informashon ku nos ta disponé di dje, t’asina ku den mes un rosea “Dibo-D” a kontesta ‘E Mulina’, ku “Serio bo ta kansa hende, laga airu pasa, duna nos un chèns di traha”. Esei nan ta palabra nan ku e kantante kompositor i areglista “Dibo-D” a bisa ‘E Mulina’,.

Nada mas e no a bisa ‘E Mulina’,. Despues ‘E Mulina’, a drenta den kontakto ku “Blowi”, pero sin resultado deseá. Nos fuente a bisa ‘E Mulina’, ku, no ta bai duru muchu u ku gerente di agrupashon musikal ta bai anunsiá Gino “Blowi”Genaro komo nan Keyboardman nobo. Esaki ta nifiká ku awor ‘E Mulina’, ta bai sinta trankil pa nos wak e pelíkula nobo di agrupashon musikal “ONE”.