Hòmber uruguayo hañá morto den un vehíkulo na Salvador de Bahia

311
Investigashonnan pa determiná kousa di morto di e víktima ya a inisiá.

SAO PAULO – Un hòmber di nashonalidat uruguayo a keda hañá morto den interior di un vehíkulo, den un bario di e siudat turístiko di Salvador, kapital di e estado brasilero di Bahia, na parti nortost di e pais.

Outoridatnan brasilero a habri un investigashon pa sklaresé si esaki tabata produkto di asesinato òf si e hòmber a fayesé pa kousanan natural. Esaki aunke ku inisialmente e no tabatin niun señal di violensia.

E siudadano uruguayo, identifiká komo Sebastian Martinez, a keda haña den e asiento di kopiloto di e vehíkulo.

Agentenan di e Departamento di Homisidio ta kalkulá ku e kurpa sin bida ya tabata di e forma aki den e vehíkulo pa mas di 24 ora.

E pareha di Martinez tabata e persona ku a sa di identifiká e vehíkulo, na momentu ku e tabata rumbo gimnasio, i mesora a pone outoridatnan polisial na altura. Na yegada di outoridatnan, esaki nan a kibra un bentana patras di e vehíkulo i di e forma aki por a konfirmá ku e kurpa sin bida tabata aden.

Salvador ta un di e siudatnan mas turístiko di Brasil i ta e di kuater mas poblá di e pais ku serka di tres mion di abitante, despues di Brasilia, Rio Janeiro i Sao Paulo.