Kastigu alternativa pa hòmber ku a menasa Rutte riba Facebook

87
hòmber ku diferente problema a menasa premier Rutte
DEN HAAG—Un hòmber di Musselkanaal a haña kastigu di 40 ora pasobra el a menasa premier Rutte ku morto.

Komienso di yanüari e hòmber a bisa riba Facebook ku Rutte mester muri i el a yame idiota, mi tin 9 milimeter pa bo. E mensahe tabata riba e hòmber su pagina personal pa públiko. Ora agentenan a punter kiko e kier men ku 9 milimeter el a kontesta, un pistol naturalmente. E hòmber ku den 2012 a keda sentensia pa menasa a bisa hues ku el a skirbi e mensahe den su rabia. E tin problemanan finansiero 20 aña kaba i mester biba di 40 euro pa siman. Ora e mira kiko refugiadonan ku ta pidi asilo ta haña den Hulanda, nan ta mihó para segun e sospechoso den korte. Si e hòmber a tuma responsabilidat pa su akshon i ekspresá duele. Tabata un akshon estupido, instigá pa esnan anti-Rutte. Banda di problemanan finansiero e hòmber tin problemanan mental tambe. Segun RTV Noord el a skirbi e mensahe ora e tabata bebe remedi pa un cyste den su kabes i a kaba separá. Hues a tene kuenta kus u situashon personal. Un but hues no a haña nesesario ni kastigu prisòn tampoko.