Kompania di taksi Amsterdam ku kaso kontra munisipio

82
taksistanan ta denunsia kompetensia inhustisia di Uber
AMSTERDAM—Organisashon di taksistanan di Amsterdam Taxistad i TAT a entama un huisio sumario kontra munisipio di Amsterdam.

Nan no ta di akuerdo ku e obligashon pa suspende taksistanan pa infrakshonnan chiki manera para na un parada yen. Pasobra e organisashonnan ta ninga pa impone sanshonnan riba shofurnan, munisipio a impone un but di 10.000 euro riba e sentralnan di taksi.  E kompanianan ta bai korte pasobra nan ta haña e sanshonnan di munisipio fuera di tur proporshon. Esaki ta inkluí entre otro suspenshonnan di un siman te kompleto prohibishon di ehersé nan trabou. Nan ta haña inhustu ku shofurnan mester kumpli ku reglanan ku no ta konta pa shofurnan di organisashon di taksi Uber. Ku e huisio sumario e kompanianan ta spera di minimalisa e sanshonnan segun NH Nieuws. Taxistad i TAT ta dos di e sentralnan di taksi den Amsterdam. Nan ta representá alrededor di 1000 di 6500 shofurnan di taksi den siudat di Amsterdam.