Polis ta detené tata ku yu pa trafikashon xtc

109
tata/yu detené ku 10 kilo píldora xtc
BEUNINGEN—Djamars polis a detené dos hòmber na Appelterm i Wijchen pa eksportashon di píldoranan di xtc ku post.

Polis a tene entrada den nan kas i un edifisio na Beuningen. Aki a bin haña kasi 10 kilo di píldora. E asina yama Post Interventie Team di unidat nashonal di polis a start un investigashon riba trafikashon di droga despues ku a detekta 9 envelop. Despues a interseptá diferente otro envelopnan ku píldora. Tabatin alrededor di 1 kilo di píldora di xtc den e envelopnan. E kartanan tabata destiná pa Merka, Polen i India. E hòmbernan detené a keda detekta durante e investigashon. Ta trata di un tata di 63 aña i un yu hòmber di 39. Nan tabata bende e produktonan via internet. Den e kas di e sospechoso tata (63) na Appeltern tabatin 10 kilo  (25.000 píldora) di xtc. Polis a konfiská tambe gran kantidat di nechi i mangel destiná pa paketá e píldoranan. Post Interventie team ta investigando e trafikashon i kumpradónan i tambe kuantu tempu e duo ta den e trafikashon, kuantu nan a gana.