Polis ta tira hòmber na Assen

112
sospechosonan posiblemente armá

ASSEN—Den sentro di Assen polis a tira riba un hòmber den su las i man, pero e ta for di peliger.

Un bisiña a tende gritamentu i hopi paniko ku polis. Agentenan a bai Rolderstraat despues di un melding ku tabatin tres hòmber ku arma kandela ta kana rònt. Dos di e tres hòmbernan a keda detené, pero e di tres a hui. El a bai den direkshon di un kas. Aki a surgi un situashon kaminda agentenan a lòs tirunan di atvertensia. Nan a tira dirigí riba e sospechoso segun un bosero polisial. Despues a detené e hòmber. No ta konosí si berdat nan tabata armá. Reshèrshi lo hasi investigashon di e insidente. RTV Drenthe a informa ku regularmente tin insidentenan den Rolderstraat. Fin di yuni un hòmber a keda asesiná den su kas. Un luna despues tabatin un insidente ku dos herido. Tambe tabatin diferente entrada e aña aki.  Rolderstraat tin atenshon di polis. No por bisa si tin un relashon entre e insidentenan. Polis ta den deliberashon ku munisipio di Assen pa tuma medidanan.