Proyekto renobashon playa Marie Pampoen na peliger

299

Marie Pampoen—E proyekto mionario pa drecha playa di Maria Pampoen i besindario ta den peliger serio. Esaki ta lokual Vigilante por a komprondé for di fuentenan trahando riba e proyekto. E kompania konstruktor prinsipal den e proyekto, ayera a apliká pa bankarota.

Manera ta konosí, ministerio di Asuntunan Ekonómiko huntu ku ofisina di turismo CTB, tin kordinashon di e proyekto bou di nan enkargo. E proyekto entretantu a pasa na man di diferente minister i gobièrnu pero tabata konkretisando despues di a finalisá e promé fase. E di dos fase a enserá remodelashon di e fasilidat deportivo ántes manehá pa e habitante di Marie Pampoen, Ain van Aanholt (q.e.p.d).  E fase aki tabata kanando riba bon pia i ta wòrdu kordiná pa e ofisina di arkitekto Heeren2. E dianan aki den Vigilante mes por a nota instalashon di yerba ofisial i instalashon di liña riba tereno di futbòl. E tereno konosí komo “Kant’i Awa” ta un soño di hopi aña dje fundashon ku ta manehando e tereno i mundu di futbòl lokal ta entusiasmá ku e desaroyonan. Ayera e proyekto a risibí un sla duru, momento ku e konstruktor prinsipal den e proyekto a apliká pa bankarota. Fuentenan no ofishal a señalá na Vigilante ku mas di mitar di e invershon a wòrdu pagá.