Tela Sambo i Marvin Snijders ta bai drenta studio di grabashon

133
Dia 21 di sèptèmber nan ta bai graba den studio di Hershel Rosario.

WILLEMSTAD,—-E aña aki mester bai tene hopi kuenta ku e kombinashon forma entre Tela Sambi i Marvin “Pikachu”Snijders. Di informashon ku ‘E Mulina’, ta disponé di dje ta bisa ku dia 21 di sèptèmber nan ta bai drenta den studio di grabashon.

‘E Mulina’, a keda pone na altura ku Tela Sambo ta bai graba 10 piesa nobo. Nos fuente a fasilitá ‘E Mulina’, nòmber di algun di piesa nan ku Tela Sambo i Marvin “Pikachu”Snijders ta bai drenta studio di Hershel Rosario kuné dia 21 di sèptèmber.

E komposishon nan ta Bis’é pa mi. Riba mundu ta page. No puntra. Den bo kara. Orguyo. Mi’n tin trabou ku bo. Ta mi yu. Perere. Deseo kumpli. Un piesa so ‘E Mulina ta falta pa kumpli esun number 10. ‘E Mulina’, a komprendé ku esei lo bai ta un komposishon di Rene Rosalia.

Mester bisa ku ayera ‘E Mulina’, a drenta den kontakto ku ámbos persona, esta ku Tela Sambo i Marvin “Pikachu”Snijders, pero ningun di nan dos no a kontesta nos yamada nan. Pero si nos a laga un mensahe pa ámbos di nan serka di un persona ku ta hopi serka di nan, ‘E Mulina’, ta spera di por haña nan yamada riba e dia di awe.