Bryan Anastatia ta djòin selekshon na lugá di Jurich Carolina

619
Jurich Carolina (5) a mèldu ku e no por tei.
WILLEMSTAD – Den pitu práktikamente, manera sa bisa popularmente, a bin un kambio den nos selekshon nashonal di futbòl.

Ta asina ku e hóben futbolista ku ta militá aktualmente pa e ekipo hulandes N.A.C. Breda, Jurich Carolina, lo a komuniká na DT Remko Bicentini ku e lo no por ta presente mas na Kòrsou i na su lugá Remko a inkorporá e hungadó trikolor Bryan Anastatia den e lista di 23.

Aparentemente Jurich Carolina lo ta leshoná i lo no por forma parti di nos selekshon nashonal ku próksimamente mester enfrentá Haiti.