Empresario i filantropo Gelt Dekker ta fayesé (71)

265
na Kòrsou Gelt Dekker a konstruí entre otro Kura Hulanda
DEN HAAG—Empresario, filantropo i eskritor Jacob Gelt Dekker a fayesé na edat di 71 aña segun su editor.

Gelt Dekker tabata malu pa basta tempu i a bin fayesé na Florida kaminda e tabatin un kas. El a start su karera komo dentista pero a bira empresario na edat di 28 aña. El a bira riku ku kadena di fitness Splash, tiendanan di foto i kompania di hur outo Budget Rent. Benta di su kompanianan a dune un puesto riba e prestigioso Quote 500, ku un kapital kalkulá na 250 mion euro. Ultimo 20 aña Gelt Dekker tabata hopi aktivo na Kòrsou kaminda el biba. El a kumpra i renová hotelnan i tambe renová parti di Otrabanda. El a konstruí Kura Hulanda ku entre otro un museo di historia di sklabitut i un hotel di luho. Gelt Dekker ku a keda kondekorá pa su filantropia tabata skirbi tambe entre otro kolumnanan, romanse i bukinan di viahe. Su ultimo publikashon ta e buki The Caribbean den 2018.