Bientu fuerte di orkan a benta kantidat di pakinan di droga riba kosta

Na Miami

4028
Un bista kon e bientunan fuerte di orkan Dorian tabata asotá e kosta di Florida.
Florida–Polis a logra di konfiská 16 paki ku tabata kontené e puiru blanku di kokaina despues ku esakinan a spula yega kantu.
Un di e pakinan di droga ku a bin haña na e kosta.

Debí na e bientu fuerte di e  orkan Dorian a bin topa ku un tas ku tabata kontené basta paki di droga. Tabata un agente polisial di Melbourne  ku tabata patruya na altura di Paradise Beach a ser yama pa un persona ku tabata na e beach ku a indiká na e polis ku e la tuma nota di un pakete sumamente sospechoso riba e kosta di e laman na Florida. E agente polisial a bai na e sitio indiká na unda e la bin topa ku un pakete lora riba kual tabatin e nòmber “ Diamant” skibi. Tabata trata di un pakete similar na esnan di droga. Ora a logra di habri esaki i a tèst e esaki a reakshoná komo Kokaina. Tabata trata di un kilo di kokaina ku a laba i yega kantu. Mesora a kuminsá ku un investigashon. Mas òf ménos 20 mia unda a haña e pakete na e parti nort di Cocoa Beach a bin topa ku un handbag ku a spula i yega kantu. Den e kas a bin topa ku no ménos 15 paki di kokaina. Ta trata di pakete nan di droga ku riba Merkado Merikano tin un balor di 20 mil dòler pa 30 mil dòler pa kilo. Den e kaso aki e totalidat sigur lo a yega na 400 mil dòler. E tas i tambe a droga ku a ser haña a ser entrega na Duana i tambe e departamentu di droga pa nan por kontinuá ku e investigashon.•