Deskubrimentu i enkuentro di Tesoronan skondí den Rif

2137

Willemstad—–E delegashon di CORENDON konsisitendo di Gunay Uslu, Natasha Griffioen, Caroline Hartel i Charlie Smid a ser risibí di un manera estupendo i super amabel   serka miembronan di Grupo 6. Marusca Manuel, Tico Vos, Dennis Klaus, Maritza Lauffer, i Melba pa huntu realisá un kaminata dor di kayanan di Rif Old City.

Nos a risibí hopi informashon interesante riba e historia di e bario  i habitantenan di Rif. Inkluso informashon di desaroyonan  resiente. Nan a mustra nos e tesoronan skondí riba e rekorido di nos kaminata dor di Rif. E historia di e bario aki kasi bo por bisa ta literalmente riba kaya i nos no ta tin sufisiente wowo pa mira i gosa dje muralnan di artistanan lokal i konstrukshonnan presioso. Nos atmirashon pa tur  e plannan pa ku Rif ku e bario tin.

Grandi tabata nos sorpresa ku ainda despues dje kaminata aki ta tin un sorpresa mas Grandi ta warda nos . No ménos ku 30 artista lokal tabata na Netto Bar pa yama nos bon bini i sera konosí ku nos. Corendon a usa e momento aki mesora pa splika su plannan relashoná ku nos proyektonan kultural. Ta asina ku Corendon ke envolví artistanan (eskultor, pintor etc) den dekorá i bisti  Corendon Mangrove Beach Hotel den un toke artístiko kultural krea pa artistanan lokal di Kòrsou.

E plannan aki a keda risibí ku hopi entusiasmo. Pa nos e enkuentro ku e artistanan aki ta mustra kon e isla aki ta brota di kreatividat i bida. Esaki tambe ta algu fantástiko pa eksperensha. Konhuntamente ku Grupo 6 nos a traha e atardi aki na plannan pa kaminatanan ku nos respektivo huéspetnan di hotèl ku atenshon speshal na muralnan, herensia kultural i historia lokal.

Corendon ta deseá di desaroyá i ehekutá e tipo di kaminatanan aki den bario di Rif den estrecho koperashon i envolvimentu di e habitantenan . Nos kier gradisí Marusca Manuel i Grupo 6 pa e atardi inspirador i konstruktivo aki ku tabata dirihí pa konhuntamente nos krea un futuro kreativo i duradero  Asina Sra Gunay Usdlu a terminá su opservashonnan riba e kaminata den Rif Old City deskubriendo tesoronan skondí i hende kreativo i inspirador.

Grupo 6 den nos afan pa sigui mira e bario di Rif desaroyá, djaluna último nos tabata tin un tremendo kaminata ku Grupo Corendon den Rif Old City.  Nos  a guia nan den e atmósfera asina interesante den Rif. Despues nos a entrodusinan na e artistanan di Kòrsou ku sigur lo bai ta parti di un proyekto magno den Hotel Corendon Mangrove i den Rif.

Ta interesante pa tuma nota kon konhuntamente nos por a logra na:

Kambio di e nòmber di e hotèl ku awor lo e yama Corendon Mangrove Hotel

Kon nos laman lo keda aksesibel pa pueblo.

Kon lo duna honor na e persona ku tabata duna nos hóbennan training di beisbòl kual e vèlt tabata nan su nòmber defuntu Sr. Tonchi Martina.

Awor ta lo sigui traha riba arte i kultura ku nos mes hendenan ku nos tin ku bisa ku mayor ta hoben.