Aruba ta pèrdè ku skor mínimo

74
E ekipo di Aruba subiendo tereno.
WILLEMSTAD—E selekshon di futbòl di nos hermana isla Aruba, ku ta konta ku diferente refuerso for di Oropa, tambe a mira akshon ayera na Kòrsou den Stadion Ergilio Hato.

Esaki den wega bálido pa e divishon B di Nations League, na momentu ku nan a topa Guyana. E selekshon di Aruba despues di un lucha tenas mester a konformá ku e derota. Tabata un derota ku skor mínimo, despues ku for di na sosiegu nan tabata atras.

E úniko gol di e partido, a keda anotá na minüt 22 di wega, pa Sheldon Holder.

Tantu e enkuentro aki ku a inisiá 7’or di anochi, komo esun di Boneiru ku a hunga for di 3’or di atardi, a hunga ayera den stadion unda fanatikonan por a drenta gratuitamente i presensia e enkuentronan, unda tantu Boneiru i Aruba, a hunga komo ekiponan di kas.