Boneiru ta reakshoná den parti final pa gana 4-2

87
Trio ku a soru pa e golnan di Boneiru.
WILLEMSTAD—Tereno di bala di Stadion Ergilio Hato, ayera tabata esenario pa e wega bálido pa e divishon C di Nations League, na momentu ku e selekshon di Boneiru, hungando komo ekipo di kas, a enfrentá e ekipo di Virgin Island.

Tabata wega ku a sosegá ku e ekipo di Boneiru atras 1-0 i tabata te na di 74 minüt di wega, ku ainda nan tabata atras.

Seguidamente e ekipo dirigí pa tékniko Brian van den Bergh a reakshoná, anotando na 4 okashon pa bòltu e skor na nan fabor 4-1, promé ku den pitu, Virgin Island bolbe anotá pa asina pone e skor final na 4-2.

Tyler Forbes a habri e anotashon na di 32 minüt pa seguidamente tambe anotá e último wega, den tempu di deskuento.

Pa Boneiru, Edsel Martha a empatá e wega na minüt 74 i anotá tambe na minüt 83, miéntras ku Jursten Trinidad a anotá na minüt 78 i Yurick Seinpaal na di 81 minüt di wega.