Bunita homenahe pa algun ‘sharkies’

66
Esnan ku a keda homenegiá.
WILLEMSTAD—Dirigentenan i tambe miembronan di e komishon di mayor di e organisashon di beisbòl pa mucha ‘St. Michiel Baseball Academy’, ayera a tene un homenahe pa algun di nan miembronan. Ta trata aki di entre otro  e hóben peloteronan Clay Winklaar, Curley Martha, Farens Wooter, Shendrion Martinus, Arsheneau Martina i tambe coach Edmar ‘Boy’ Cornelia.

Ta trata aki di grupo, kende tabata parti di e selekshon di beisbòl Little League Liga Pabou, ku a resultá kampion di Karibe i supkampion mundial resientemente.

E atardi a inisiá ku un desfile kompañá ku drumbènt, unda a kana yega tereno di Maracana na Jandoret, unda ku e ekipo ta praktiká i ku tambe tabatin e aktividat ayera. Tur esaki den kompania di e maskota di e ekipo.

Aki a tene e parti ofisial, ku homenahe na e supkampionnan mundial, miéntras ku e chèri riba e bolo tabata un bunita anunsio komo sorpresa pa miembronan.

Un ke otro, unda di forma ofisial a pone miembronan na altura ku awor, despues di basta lucha, ku e organisashon tin su mes tereno, pa asina por hiba nan preparashonnan. Finalmente esnan presente a dal un salu na e okashon.

Tabata un atardi, ku tambe Vigilante tabata presente i hasi un transmishon bibu riba facebook, kompartiendo e okashon ku un i tur.