Carwash komo kapa pa trafikashon 367 kilo heroina

1723
ganashi di alrededor di 5 mion euro
ROTTERDAM—Un grupo organisá pa trafikashon di droga na Rotterdam a bende 367 kilo di heroina i hasi ganashi di alrededor di 5 mion euro.

E lider di e grupo tabatin un negoshi di carwash pa laba e plaka. Outoridatnan a haña heroina i dos arma outomatiko den un outo na e negoshi. E banda di 7 persona ta aktualmente dilanti hues. Ministerio Públiko na Luik ta pidi entre 5 pa 10 aña i butnan te 40.000 euro pa e sospechosonan. E banda ku yama Paco tabatin un callcenter na Bèlgika kaminda por a hasi pedida di heroina. For di einan shofurnan i trahadónan tabata destribui e droga pa alrededor di 450 kliente. E droga tabata keda prosesá i paketá na Rotterdam i hiba den espasionan sekreto di outonan pa Maasmechelen. Kontra sospechoso prinsipal J.Y. (37) di Rotterdam OM a pidi 10 aña kastigu. Su ganashinan kriminal e tabata invertí den artikulonan di luho i edifisionan na Maroko. E tin antesedentenan serio di entre otro intento di homisidio i 11 otro sentensianan. Dia 3 oktober korte ta duna veredikto den e kaso.