Den 11 partisipashon Dibo-D a sali na 9 biaha den tòp 4

101
Su sifra nan tambe ta papia palabra nan kla.             

WILLEMSTAD,—-Tin hopi Tumbero ku a hasi hazaña den Festival di Tumba, pero loke ku e kantante Gilbert “Dibo-D”Doran Jr a hasi si nunka di nan no a hasi, ni den dékada 70,80,90. Dos mil i di dos mil 11 pa 2019. Awe nos ta trese e sifra nan di e hóben kantante ku a partisipá na 11 okashon den Festival di Tumba.

T’asina ku Dibo-D a hasi su debut na aña 2009 i e la hasi esaki ku su mes un agrupashon musikal ku ta G.M.O. na aña 2009 e la bai ku un komposishon di su Tata ku ta Gibi Doran i e la kanta e Tumba “Bas bo ta Bas”. Na aña 2010 e la bai ku un kombinashon di komposishon entre Gibi Doran i su mes un persona ta trata aki di e komposishon “Habri porta”. Na aña 2010 tambe e la bai ku su mes un agrupashon musikal ku ta G.M.O.

Pero na aña 2011 kos nan a kambia i ta aki nan e historia impreshonante a kuminsá di e kantante Dibo-D, paso na final di aña 2010 Dibo-D ta pasa forma parti di agrupashon musikal GIO Fuertisimo, i mes ora e ta bai partisipá ku e banda GIO Fuertisimo pa promé biaha den Festival di Tumba, ,mester bisa ku na aña 2011 Dibo-D ta partisipá ku su mes un komposishon ku a hiba di titulo “Ta Man”. Kaminda ku Dibo-D a sali promé finalista tras di Hende De Windt ku a keda Korona pa di tres biaha komo Rei di Tumba. Na aña 2012 Dibo-D ta bolbe partisipá ku GIO i e ta bai ku su mes komposishon ku ta “Atami aki ta Tumba mi ta” e la sali di dos finalista. 2013 Dibo-D ta partisipá ku e Tumba “Nos bida tin kolo” e la keda na di kuater lugá. Na aña 2014 e la kanta “Un sunchi p’abo” e la bolbe Sali na di kuater lugá. 2015 Dibo-D ta sali promé finalista ku e komposishon “Hende riba hende”. 2016 Dibo-D ta bolbe ripití na promé finalista ku e Tumba “Ranka foi Sta Maria. Na aña 2017 Dibo-D ta kanta e Tumba “1” aki e ta bolbe sali promé finalista i asina tabla ku Luti Samson ku a hasi esaki den dékada 70 na aña 1974,1975 i na 1976. Mester bisa ku na aña 2018 Dibo-D ta kambia di agrupashon musikal i e ta bai partisipá ku su mes un agrupashon musikal ku ta karga di number “ONE” na 2018 e ta keda na di tres lugá ku su komposishon “ Públiko e ko ta di bo” i na aña 2019 Dibo-D ta keda Korona ku su mes un komposishon ku ta “Kòrsou ta den su Gloria”.Na aña 2011 te ku 2017 Dibo-D a partisipá den Festival di Tumba ku agrupashon musikal G.M.O. na dos okashon i ku GIO na 7 okashon i na aña 2018 i 2019 e la bai ku su mes un banda ku ta “ONE”.