Den e kampionato oropeo pa pais Ekipo femenino hulandes di pinpòn ta pasa pa kuart final

39
Li Jie tabata desisivo den e viktoria e ekipo hulandes ayera.

NANTES – Ayera e ekipo femenino hulandes di pinpòn a logra klasifiká pa e kuart final di e kampionato oropeo pa ekipo ku ta tumando lugá na Nantes. E ekipo hulandes ku ta ser dirigí pa e entrenado Li Jiao a logra un viktoria ku skor di 3-1 riba e ekipo di Repúblika Cheko.

Anteriormente e ekipo di Hulanda a logra un viktoria riba e ekipo di Servia pa medio di e mesun resultado optené kontra Republika Cheko. Tabata Li Jie ku a sali gana su promé enkuentro ku skor di 3-0 di Dana Cechova i seguidamente tabata Britt Eerland ku tambe ta gana di Hana Matelova ku skor di 3-0. Pero tabata Kim Vermaas ku despues ta kai vensí kontra Karin Adamkova. E hungadó Li Jie tabata esun ku ta optené e punto desisivo pa e ekipo na momentu ku e ta logra viktoria  kontra Matelova ku skor di 3-0.

E entrenadó Li Jiao tabata hopi satisfecho ku e presentashon di su ekipo. “Li Jie ta simplemente den tremendo forma i Britt ta hungando mes un bon ku e la hasi esaki último durante e torneo habri di Repúblika Cheko. Kim a hunga mihó ku e la hunga kontra Servia, pero mester atmití ku Adamkova tabata simplemente mas fuerte kuné.”

Awor Hulanda lo mester enfrentá Polonia den e kuart final.