Di kon nunka Festival di Tumba no a tuma lugá den Teater West End

695
Nunka Festival di Tumba no a tuma lugá den Teater West End.

WILLEMSTAD,—-Festival di Tumba a tuma lugá den seis diferente sitio i esaki nan tabata Teater Roxy na seis okashon. Industriehal na 1 okashon. Cinelandia na 1 okashon. Den S.D.K. na 1 okashon. Den Stadion na S.U.B.T. na 10 okashon i den Curaçao Festival Center e último tres dékada nan aki.

Pa loke ta trata e promé 8 aña nan di Festival di Tumba, esaki a tuma lugá den dos Teater i esaki nan tabata Teater Roxy i Cinelandia, esaki nan a bai ku hopi éksito tambe, pero loke si ku semper a keda den mente di hopi fanátiko di Tumba den dékada 70 ta e echo ku di kon nunka no a pone un Festival di Tumba den Teater West End.

Nos a bai buska mas informashon ta di kon nunka no a pone maske ta un Festival di Tumba den Teater West Endmi nos a haña di komprendé ku “Den e tempu nan aya, esta den dékada 70 temporada di Festival di Tumba esaki nan a tuma lugá den Teater Roxy i Teater Cinelandia, paso tabata un persona ku tabata doño di e dos Teater nan i esaki tabata e pakiko ku nunka e Festival no por a bai tuma lugá den Teater West End,paso e organisashon tabata hasi negoshi ku doño di e dos Teater nan ariba menshoná.

Hopi Tumbero ku a yega di partisipá den dékada 70 a bisa ku semper nan tabata ke pa Festival di Tumba tuma lugá den Teater West End. Hopi di nan den e tempu aya a kere ku esaki lo a tuma lugá na aña 1977 kaminda ku nan a saka e Festival for di Roxy i bai kuné na Industrihal kaminda ku Rene Samson a keda Korona. Mester bisa ku Boy Dap a keda korona na tres okashon den Teater Roxy i esaki nan tabata na aña 1971 ku “Bashé”, 1973 ku “Dalé é kos” i “Mand’é”. Erwin Kastaneer na aña 1972 ku su Tumba “Den Karnaval” na aña 1975 tabata Mr. Saab ku e Tumba “Bin bo bula aden” i dft Edwin Thomasa tabata e último Rei di Tumba den Teater Roxy ku su Tumba “Hak’ é”. No tin duda ku hopi hende tabata kana ku e deseo pa un dia Festival di Tumba tuma lugá den Teater West End den dékada 70, pero esaki lástimamente nunka no a tuma lugá.