FBI a yuda Hulanda ku detenshon sospechoso terorista

69
hóben (24) universitario a planiá un kantidat di atentado via chat
DEN HAAG—Abdul U (24) di Rotterdam a papia ku yihadistanan riba atentadonan nobo na Paris i un atake ku drones via gruponan di chat.

FBI a duna polis hulandes tep ku a detené e hòmber desèmber 2018. Esaki segun dokumentonan den korte. E sospechoso nase na Vlaardingen ta di desendensia turko. E tabata studia na Universidat tekniko na Delft i tabata den stage na momentu di su detenshon. Aki DSI a tene un entrada dia 31 desember 2018. Abdul U tabatin diferente kombersashon den chat seyá telegram kaminda a planiá atentadonan terorista. El a propone pa ku un grupo di 15 komete un atentado na Paris durante kambio di aña, asina lo no ripara e eksploshonnan i tirunan. No a haña eksplosivo ni arma na su kas. Fin di aña e tabata na su trabou (stage) ni e no tabatin ticket pa Paris. Tabata FBI ku a duna outoridatnan hulandes pista di e sospechoso. Segun abogado di e sospechoso probablemente polis merikano tabatin infiltrantenan den e grupo di chat. Segun e abogado e plannan di atentado no tabata konkreto. Segun e abogado su kliente tabata fasiná ku e por a drenta den kontakto ku ekstrimistanan via chat. Pero e no ta radikalisá. Ademas no a haña nada den su kas.