Fundashon JAG ta esun ku ta bai Hulanda ku Doble R SSS ERA i Rei nan di kaya

56
Keda bo skonde numa.

WILLEMSTAD,—-Na diferente okashon ‘E Mulina’, a bisa ku ta hopi difísil pa un informashon den e mundu di farándula por keda skondí pa ‘E Mulina’,. Algun siman tras di lomba ‘E Mulina’, a bisa ku pa promé biaha e dos banda nan ku ta Doble R SSS i E.R.A. ta bai kombiná ku otro pa promé bes na Hulanda.

Awe ‘E Mulina’, ta trese e informashon ku ta bisa ku ta Fundashon J.A.G. den kombinashon ku un promotor di Hulanda ta bai ku e dos banda nan riba e lugá. Pero esaki no ta tur kos, t’asina ku ayera den ora nan di atardi ‘E Mulina’, a haña informashon ku awor en bes di dos banda e banda nan a bira tres.

Esaki a pone ku mes ora ‘E Mulina’, a bai hasi su investigashon nan rondó di e informashon ku a drenta na ‘E Mulina’, su mesa di redakshon. T’asina ku nos a keda pone na altura ku e di tres banda ku Fundashon J.A.G. i e promotor di Hulanda ta bai kuné tera friu ta e banda nobo ku ta karga di nòmber “Rei nan di kaya”.

‘E Mulina’, den mes un rosea a drenta den kontakto ku presidente di Fundashon J.A.G. ku ta Hubert “Juni”Aniceta, pero manera ku ya a para bira un kustumber “Juni Aniceta” no a kue nos telefon, pero si ‘E Mulina’, a laga informashon atras pe, ‘E Mulina’, no sa ta kuantu mas “Juni Aniceta” ta keda sin kue nos telefon, un kos si nos ke pa “Junu Aniceta” sa ku for di ayera nos ta na altura ku en bes di dos banda awor bo ta bai ku tres banda Hulanda. Anto promé ku ‘E Mulina’, a sera e artíkulo nos a hana otro informashon i esaki ta bisa ku e legendario kantante Romeo Heyer tambe ta bai Hulanda ku Fundashon J.A.G. dia nan 1 i 2 di novèmber.