Hòmber ku a destruí kas di eks ta haña 5 aña kastigu

60
dama a skapa na wowo angua
GENDT—E hòmber (57) ku a destruí kas di su eks na Gendt ora esaki tabata den e kas, a haña 5 aña kastigu.

Hues ta di opinion ku e sospechoso a pone e dama su bida na peliger. Na mart di e aña aki riba dia di e eks su kumpleaños, e hòmber a bai kas di e dama. Ku katapila el a kibra e dak di e kas presis riba e kamber kaminda e eks ta drumi. Afortunadamente e dama no a keda heridá pero segun korte esaki tabata puru milager. Danki na e echo ku e dama a lanta sali for di su kamber e no a keda heridá i plecha bou di e ruina. E dama tabata teme pa su bida e anochi ei segun Omroep Gelderland. E hòmber no solamente a destruí e kas pero tambe e outo di e dama. E hòmber mester paga daño di kasi 4000 euro na su eks. Fiskal a pidi 30 luna kastigu di kua 10 kondishonal pero korte a duna mas kastigu konsiderando e gravedat di e kaso.