Island Take over 2019 lo bai ta mas grandi ku nunka

71
Su strea ta hopi haltu aktualmente.

WILLEMSTAD,—-Despues ku a anunsiá e nòmbernan grandi manera UB40, SECH, LUNAY, ALEX SENSATION y otronan Aruba kompleto a drenta un entusiasmo grandi. Esaki ta pa e di dos Island Takeover festival ku lo ta for di dia 30 di òktober pa 3 di novèmber 2019 na Aruba.

Pa selebrá esaki Setar NV huntu ku Jeon lo tin un oportunidat úniko pa e públiko por kumpra su ticket sea general òf vip na un preis special djasabra awor dia 7 di sèptèmber 2019. Un kantidat limitá lo tin disponibel for di 10.30 di mainta.

Ta trata aki di e promé entradanan di e festival kual lo disponibel únikamente na Setar Store “Kaya Betico Croes”. Ta importante pa informá ku lo tin un límite di 2 ticket pa persona. Aña pasa no a dura muchu pa e karchinan a kaba, pues ta konsehá tur hende pa tei trempan.

E preis special aki ta un regalo eksklusivo di JEON pa henter a komunidat di Aruba ku ta sigui sostené durante henter e aña ku a pasa.  Ku e VIP ticket aki bo lo ta ful dilanti di e esenario y ta dunabo akseso na tur e otro dianan ku lo tin evento. Esaki ta inkluí entre otro Pool Party, Block Party y Closing Party. Pa esnan den eksterior ainda tin algun di e Jeon Special tickets disponibel riba Internèt via www.islandtakeover.com