Kenneth Hooi ta bai graba ku e banda Succes Sin Stress

76
E ta bai graba un piesa nobo ku e banda Succes Sin Stress di Hulanda.

WILLEMSTAD,—-Di informashon ku a drenta na mesa di redakshon di ‘E Mulina’, direktamente for di Hulanda ta bai rondó di e legendario kantante den ámbito di Kòmbèk ku ta Kenneth Hooi. T’asina ku ‘E Mulina’, a keda pone na altura ku e kantante ariba menshoná ta bai graba un piesa nobo ku agrupashon musikal Succes Sin Stress.

T’asina ku ‘E Mulina’, a haña informashon i alabes konfirmashon ku titulo di e piesa ku e kantante Kenneth Hooi ta bai graba ku agrupashon musikal Succes Sin Stress di Hulanda ta “Kon ta hasi sin dje”. Ta trata aki di un idea di Papipapi Chill, i ku e piesa lo bai keda estrená dia 9 di novèmber den un fiesta bailabel na Hulanda.

Pues esaki ta nifiká ku e legendario kantante lo bai ta na Hulanda den ;luna di novèmber binidero i e lo presentá ku e banda Succes Sin Stress. ‘E Mulina’, a trata den ora nan di ayera tardi pa haña Joke Passial na telefon, pero un biaha mas nos no ta logra di haña Joke na liña. Pero si ‘E Mulina’, su fuente a konfirmá ‘E Mulina’, ku no ta bai dura hopi ku e piesa nobo di Kenneth Hooi lo bai kuminsá zona na diferente radio emisora lokal.