Kompleho di apartamento na Oss evakuá pa kandela grandi

57
shete apartamento a keda inhabitabel
OSS—Brantwer mester a evakuá un kompleho di apartamento na Oss ayera nochi despues di un kandela ku a plama.

Tambe a evakua algun kas banda di e edifisio. Diferente habitante tabata para riba kaya meimei anochi. Ningun hende no a keda heridá segun bosero di brantwer a bisa Omroep Brabant. E kandela a start alrededor 2:30. Brantwer tabatin e kandela mésora bou di kontrol alrededor di 4:00. E kandela a surgi probablemente den e garashi bou di e edifisio di apartamento. Kon esaki por a sosode no a keda determiná ainda pero polis no ta kere ta un insendio. Durante trabounan di brantwer habitantenan di e apartamentunan mester a bai un otro lokalidat. A kontrolá tur hende pa posibel problemanan respiratorio. Despues di trabounan di brantwer i kontrol di kada apartamento e mayoria habitante por a bai kas bek. Shete bibienda tabatin asina tantu daño ku no por biba den e kas.