Oumento petishonnan eutanasia na Klínika pa terminá bida

362
petishonnan eutanasia a subi ku 15%
DEN HAAG—Levenseindekliniek na Den Haag a bolbe konstatá un oumento di kantidat di petishonnan pa eutanasia.

Den komparashon ku 2018 tin un oumento di 15% di kantidat di petishonnan. E aña aki e promedio di petishonnan pa luna a subi ku 50. E organisashon tabatin un rekort di petishon den luna di yüli, un total di 308. Di tur petishon alrededor di 25% ta keda realisá. Direktor Steven Plaiter ta mira un desaroyo den kuido di eutanasia na Hulanda. Medikonan a bira kouteloso pues ta manda mas pashèntnan pa e Levenseindekliniek. Motibu di e koutela ta e konsekuensianan huridiko difisil pa dòkternan di kas. Asina un dòkter di kas a atvertí den revista Medisch Contact pa e situashon ku el a eksperensia. El a asistí un viuda di 84 aña ku eutanasia i a keda remarká pa OM komo sospechoso. Segun e dòkter OM ta buskando hurisprudensia. Komo dokter di kas bo ta liber. Finalmente e no a keda persigui danki na un deklarashon amplio di e dama (84) ku ta papia di bida kompletá. E diskushon riba euthanasia ta hopi fuerte aktualmente. Partido D66 kier introdusí un lei ku ta hasi euthanasia posibel pa hendenan ku ta kansá di biba, apesar ku partnernan di koalishon CDA i ChristenUnie ta kontra. E terminashon di bida (euthanasia) mester tuma lugá ku un asistente spesial. For di ayera e klínika Levenseindekliniek tin e nòmber Expertisecentrum Euthanasie. E organisashon ta enfatisá ku nunka no tabata un klínika i ku eutanasia ta tuma lugá na kas. Ku kambio di nòmber e kier kita tur konfushon.