Outo ta alkansá hobensitu riba baiskel

804
Willemstad— Polis i tambe e personal di ambulans mester a bai den e bario di De Savaan pa un aksidente unda un menor di edat ku tabata kore un baiskel a keda alkansá pa un vehíkulo.

Tabata den oranan di atardi e pidi asistensia di Polis i tambe ambulans na e krusada  Kaya De Savaan i tambe Kaya Boko pa un aksidente entre di un outo i un hóben riba baiskel. Na e krusada Polis a bin topa ku e hóben lastimá. A bin resultá ku e hóben a subi e krusada sin duna preferensia na e  outo ku tabata aserkando. E hobensitu a sufri algun herida na su kurpa i a keda transportá pa Poli. A pidi asistensia di Polis di tráfiko pa nan por kontinuá ku e investigashon.