Testigu nobo den kaso banda di droga Goliath

107
mester persigui lider di organisashon kriminal Simo D
ALMELO—Polis di Almelo djárason a tende un testigu nobo den e kaso di e banda di droga violento di Twente ku yama Goliath.

Segun hustisia e lider principal ta Simo D.  Segun e testigu nobo e i su famia a keda menasá diferente biaha ku morto pa e organisashon kriminal. E testogu anónimo nobo di Almelo a bisa ku a lòs tirunan riba su kas i a pega kas di su mama na kandela. Tambe Simo D lo a paga 15.000 euro pa mata e testigu. E deklarashon nobo aki ta duna informashon nobo den un kantidat di intentonan di likidashon na Enschede i Almelo den 2017. Tur dos siudat a keda sakudí pa diferente tiroteo riba hende i kasnan i tambe insendionan kaminda dos dama a skapa na wowo angua. Un di e damanan ta mama di e testigu nobo. El a bisa polis ku e ta konvensí ku e atentado tabata dirigí riba dje. E testigu nobo a duna deklarashon amplio na polis, pero a papia tambe ku Tubantia i RTV Oost. E ta bisa ku el a sobreviví diferente intento di likidashon. Ora nan no por hañe, nan ta bai pa su famia. OM ta mira e lider di droga Simo D komo responsabel pa duna mandata pa e atentadonan. Segun hustisia diferente kampo ta bringa pa e teritorio di droga na Twente, e grupo di Simo D i otro grupo ku tin vinkulo ku klup Satudarah. Den aprel a sentensia tres hòmber na kastigunan largu pa intento di asesinato via insendio. Pa garantisá seguridat den Twente polis purba detené sospechosonan mas lihé posibel den ultimo añanan. Entretantu a start kasonan penal kontra miembronan di grupo di Simo D. Simo D ta enkarselá aktualmente na Alemania. Su kaso lo keda trata pronto. Lo e sali liber riba termino korto pero hustisia kier detené mésora pa persigui komo lider di e organisashon kriminal, mandato pa diferente likidashon i trafikashon di droga.