Videoclip di Christy Corasol ku Risab “Tarde lo conoci” a sali i dal duru

85
Su videoclip a hala bastante atenshon ayera riba e plataforma di FaceBook.

WILLEMSTAD,—- Ayera ‘E Mulina’, a tuma nota riba ret nan sosial di un videoclip di e kantante Christeline “Christy”Corasol. Mester bisa ku mes ora e videoclip a hala ‘E Mulina’, su atenshon. Paso ta  trata aki di un videoclip riba un nivel hopi haltu.

Pa nos ta honesto esaki ta un di e poko videoclip nan ku ta keda graba di e forma aki den ámbito di Kòmbèk. Ya no ta un sekreto mas ku e kantante Christy a graba e piesa di e novela “Tarde lo conoci”, e la hasi esaki ku e agrupashon musikal Risab.

‘E Mulina’, por a mira riba e plataforma di FaceBook ku e videoclip di “Christy Corasol” ta halando bastante atenshon i esaki sigur ta loke ku un artista meresé. Mester bisa ku e banda Risab tambe ta biniendo kaya hopi duru, nan tin plan nan hopi serio pa ku farándula di Kòrsou.