Dama morto riba kaya den Den Haag

118
outoridatnan den Van Ruysbroekstraat
DEN HAAG—Outoridatnan polisial a haña un dama morto den Van Ruysbroekstraat na Den Haag den fin di siman.

Djis despues polis a detené un hòmber i ta investigando si ta trata di un krímen. Polis di Den Haag a haña un melding ayera mainta di un dama benta abou riba kaya den Van Ruysbroekstraat. Ora agentenan a yega ya e dama a muri. Mésora polis a start un investigashon pa despues detené e hòmber. No tin klaridat si e ta envolví ni responsabel di e morto di e dama. Polis no a determiná si e dama a fayesé di un asesinato, pero ta buskando testigunan ku a mira òf tende algu den Van Ruysbroekstraat. Segun informashon di ultimo ora no ta trata di un krímen i a laga e hòmber den libertat.