Den e kampionato oropeo di pinpòn pa ekipo…. Hulanda ta kai vensí kontra Polonia den kuart final

34
Li Jie a gana e uniko punto pa e ekipo di Hulanda ayera.
NANTES – E kampionato oropeo di pinpòn pa ekipo a kontinuá ayera ku e enkuentronan bálido pa e kuart final i tabata e ekipo femenino di Hulanda ku ta keda kòrtiku kontra Polonia. E ekipo femenino di pinpòn di Hulanda, dirigí pa Li Jiao, no tabatin su mihó dia i a kai vensí kontra Polonia ku skor di 3-1.

E úniko punto di Hulanda a bin danki na un viktoria di e hungadó di 35 aña ku ta Li Jie, ku a gana di su rival ku skor di 3-0. Pero den su di dos enkuentro su rival Li Qian tabata mas fuerte kuné. Tantu Britt Eerland komo Kim Vermaas a kai vensí den nan prome enkuentro kontra nan oponentenan ayera.

E ekipo femenino hulandes di pinpòn na kuater okashon, durante 2008 te ku 2011, a logra e titulo oropeo di forma konsekutivo, tempu ku Li Jiao (aktual entrenadó) i Li Jie tabata e streanan prinsipal di e ekipo.