Despues di su viktoria impreshonante riba 1500 meter siman pasá…. Sifan Hassan ta logra viktoria dominante riba 5000 meter

40
Sifan Hassan ta imponé su dominio riba 5000 meter tambe
BRUSSEL – Despues di su viktoria dominante riba 1500 meter siman pasá na Zurich, ayera na Brussel, Sifan Hassan ta logra otro viktoria dominante, pero e biaha aki riba e distansia di 5000 meter.

Tabata durante e Memorial Van Damme aya na Brussel, faltando 200 meter pa e final di e kareda di 5000 meter, Sifan ta pasa su rival di Etiopia, Letesenbet Gidey, i ta bai laga esaki ku fasilidat pa asina logra e viktoria den un tempu di 14:26.26.

Gidey a krusa e meta final registrando un tempu di 14.29,54, pues mas ku tres sekònde leu tras di Sifan Hassan. Na di tres lugá a finalisá e aleman Konstanze Klosterhalfen ku a registrá un tempu di 14.29,89.

Sifan Hassan di e forma aki ta optené un premio di 50 mil dòler riba e distansia di 5000 meter.