Earl Balborda spoorloos komo relashonista públiko di Refineria Isla

Pa kontesta djis un pregunta klave:

270
  • WILLEMSTAD—E rumornan ta fuerte ku abase dje situashon aktual Refineria Isla lo no alkansá desèmber pa kumpli ku tur su kompromisonan finansiero.

Ta den e kuadro aki RDK a disidí na bati na porta di Merka pa hasi posibel ku sierto transakshonnan por tuma lugá di moda ku Refineria isla ta den posishon pa kumpli ku tur su kompromisonan finansiero. E sospecho ta grandi ku e nivel di likides di Refineria Isla na e momentunan aki no ta esun di mas mihó, mirando ku tin 4 luna pa dilanti ainda ku nan tin di kumpli ku tur nan obligashonnan finansiero.  For di siman pasa Vigilante a trata na drenta den kontakto ku Earl Balborda  kende ta relashonista públiko di Refineria Isla. Lamentablemente despues di intentonan hasi ayera un biaha mas no por a logra hañ’e, pa por hasié e preguntanan relashona ku e posishon di likides di Refineria Isla. E ta spoorloos, miéntras ku Refineria Isla ta bai drenta den e fasenan di mas difísil awor ku a sali na kla ku PDVSA no tabata e promé opshon pa RDK pa yega na un kontrato nobo, sino Grupo Klesch.