Kòrsou enfrentando e fuerte ekipo di Haiti…. E enkuentro lo ta awe 6’or atardi den Stadion Sylvio Cator

57
E enkuentro lo ta awe 6’or atardi den Stadion Sylvio Cator.
PORT AU PRINCE – Nos selekshon nashonal di futbòl lo ta den akshon awe kontra e fuerte ekipo di Haiti, den e wega di buèlta, bálido pa e grupo A di Concacaf Nations League.

Manera ta konosí, djasabra último e selekshon di Kòrsou a sa di gana ku skor mínimo di nan rival Haiti, den e wega di ida ku a tuma lugá den stadion Ergilio Hato i awe nan lo enfrentá e selekshon di Haiti den e wega di buèlta ku lo tuma lugá den e Stadion Sylvio Cator na Haiti.

E Stadion Sylvio Cator ku ta situá na Rue Oswald Durand, Port-au-Prince, a keda inougurá na aña 1953 i tin un kapasidat pa 10 mil fanátiko. E enkuentro aki ta programá pa ranka sali 6’or atardi i lo por sigui e enkuentro aki via e página wèp di Concacaf (https://www.concacafgo.com/concacafgo) pagando un montante di $1.99.