Nigel Robertha ta leshoná i no a trein ayera ku selekshon

79
Nigel Robertha ta leshoná i no a praktika ayera.
PORT AU PRINCE – Manera nos a splika kaba, awe e selekshon di Kòrsou su aliniashon básiko kontra di e ekipo di Haiti lo ta idéntiko na esun di djasabra último.

Mester agregá ku Nigel Robertha, ku resientemente a disidí ku e ta djòin nos selekshon nashonal, lo no mira akshon awe. E hóben futbolista, ku aktualmente ta militá den e ekipo PFC Levski Sofia na Bulgaria komo delantero for di 24 di yüli último, ta poko leshoná (doló na su pia) i pa prekoushon, no a trein ku e selekshon ayera.

Den 5 enkuentro ku e ekipo di PFC Levski Sofia na Bulgaria, Nigel tin 4 gol anotá kaba.