Oumento gruponan trafikashon di droga nigeriano

106
afrikano detené ku 101 bolita den su kurpa
AMSTERDAM—Diferente gruponan di droga nigeriano ta trafikando den kokaina den Amsterdam-Zuidoost.

Nan ta traha prinsipalmente ku gulidónan di bolita i tranportadó di algun kilo segun Parool. E kokaina ta keda paketá den kasnan sosial den Boris Pasternakstraat serka di stashon di metro Strandvliet. For di e sitio e droga ta keda eksportá den henter Oropa. E boliteronan ta viaha for di Sur-Afrika pa Bijlmer kaminda nan ta saka e droga for di nan kurpa. Otrona gulidónan ta sali for di Amsterdam-Zuidoost pa eksterior. E nigeriano Afunwa T a keda detené na Bèlgia na mart último ku 101 bolita (1 kilo kokaina i 247 gram di heroina). El a haña 10 luna kastigu pero ta bisa ku nan a obligé guli e bolitanan i lo a page solamente 1000 euro. For di medio 2018 tin un kantidat di kasonan kontra 30 sospechoso afrikano, mayoria nigeriano. 14 di nan a haña sentensia kaba di 2 luna te ku 4 aña. E trafikashon ta sigui apesar di detenshonnan. E pregunta ta si berdat ta obligá e afrikanonan pa guli bolita òf ta hasie pa pobresa.