‘Ta difísil pa konstatá trafikashon di hende pasó víktima nan no kier deklará’

66
Fiskal a bisa ku kasonan di trafikashon di hende no ta fasil
WILLEMSTAD,—- Fiskal mr. de Groot kende ta na enkargo di e kaso Freedom, unda ta sospechá 4 persona di trafikashon di hende, a indiká ku ta difísil pa konstatá trafikashon di hende, mirando ku e víktima nan no ta presentá pa deklará i ku ta difísil pa bo haña nan despues ku deportá nan.

Esaki despues ku el a bisa ku ta bai baha ku man duru riba e kasonan abuzu manera Freedom i ku pa logra finalisá e kaso ta eksigí hopi di e víktima nan ku tin biaha ya a keda deportá i tin asta ku no kier deklará mirando ku ta menasá nan ku lo hasi nan famia algu.

Segun e fiskal ku te na ora ku bo haña un testigu potensial den e kaso, tin ku wak kon leu nan lo kier koperá ku hustisia pa resolv’é e kaso.