‘Tabata kobra dama nan 1600 florin miéntras empresario a paga 300 florin pa biahe’

103
WILLEMSTAD,—- Ministerio Públiko representá pa fiskal mr. de Groot a trese dilanti ku tabata kobra e trago meisjes nan 1600 florin, pa un biaha ku a paga 300 florin pe miéntras tambe el a bisa ku e dama kada nan tabata paga 25 florin pa siman pa e wifi ku nan ta uza.

Esaki sigur a hala atenshon  den e rekisitorio di Ministerio Públiko, unda e fiskal a trese dilanti ku e 1600 florin aki no ta montante di plaka ku en bèrdat e empresario nan tabata paga pa e biahe nan di e dama nan. E fiskal a bisa ku tabata paga un máksimo di 300 florin i tabata bin kobra e damanan 1600 florin.

Tambe el a bisa ku e dama nan lo mester a paga 50 florin pa siman pa kuminda kayente, miéntras tambe nan tabatin ku paga 25 florin pa siman pa wifi. Tambe el a trese dilanti ku tabata kobra e dama nan asta koriente i kada un mester a paga 25 florin pa siman, pa uzo di koriente. E fiskal a bisa ku kon e dama nan mester a paga esaki, ta nan mes mester a saka afó.

El a sigui splika ku ta te ora e trago meisjes nan kaba di paga nan debe nan ku nan tin serka e doño di e bar, nan ta haña pago.