Akshon grandi kontra labamentu plaka Beverwijk

443
entrada den 50 kompania; a laba miones den ultimo añanan
BEVERWIJK—Na Beverwijk polis a tene entradanan riba un tereno komersial den un operashon grandi huntu ku OM, Belasting i FIOD.

E akshon ku 250 agente i funshonarionan tabata dirigí kontra labamentu di plaka. A tene entrada den tur 50 kompania riba e tereno kaminda a konfiská kompiuternan i atministrashon. Remarkabel ta ku tin 40 negoshi pa hasi yamadanan pa eksterior. Kriminalnan ta usa e negoshi aki ku frekuensia komo kappa pa praktikanan di labamentu di plaka. Den e kaso aki a laba miones den ultimo añanan via e negoshinan. A konfiská sumanan kuantioso di algun negoshi. Regularmente transportadónan ilegal di plaka ta bishita e negoshinan. Ta mada plaka Dubai ku ost Oropa. 4 di e kompanianan ta keda ofisialmente sospechá di labamentu di plaka. A sera e tereno komersial. A konfiská mas di 150.000 euro.