Hòmber ku a maltratá Ulandes Oropeo sintá na parada di bus detené

4168
Willemstad—Kontinuando ku un investigashon relashoná ku un kaso di maltrato ku a tuma lugá algun dia pasá den área di Habaai, polis a detené un hòmber.

 

Djárason 11 di sèptèmber 2019 alrededor di 13.10’or, polis a detené e hòmber L.G.N. nasé na Kòrsou di 36 aña di edat, komo sospechoso di e maltrato ariba menshoná.

E detenshon aki a tuma lugá na warda di polis na Otrobanda.  E víktima den e kaso aki un hòmber Ulandes Oropeo a deklará ku niun ratu e no a hasi avanse nan manera ta un pedofil e ta. E víktima a sigui splika ku e la drenta den kontakto ku un persona ku e la pensa ku ta un adulto e tabata hibando kombersashon kuné debí ku asta e potrèt riba e profil tabata di un dama i na niun momento un menor di edat.

E konfrontashon a tuma lugá na e parada di bus na Habaai.

Segun e víktima e tabata kier a hiba un kombersashon sin ningun otro intenshon. E la sigui splika ku kosnan a bin kambia ya ku e mama kual tabata esun ku e tabata papia kuné tabatin henteramente un otro intenshon i dor ku e no a kai na agrado di e dama esaki a traha un plan den su kontra. Na niun kaminda den e kombersashon e la aparentá komo un pedofil manera e la wòrdu akusá i asta maltratá pe. Loke ku si mester wòrdu trese padilanti ku den e kombersashon ku tabatin entre di e víktima i e presuntu menor di edat asta a bin dilanti ku e damita tin 13 aña pero e víktima a kontinuá ku e kombersashon. E víktima na su turno a bai entrega un denunsia na unda a maltrate na altura di e parada di bus i konvoi na Habaai. A maltrato ku man i tambe slòf. Polis mesora a kuminsá ku e investigashon i no mester a hasi masha pa por a yega na e sospechoso ya ku klaramente por a mir’é riba e grabashon ku a bira viral. No ta konosí ku a bai entrega un denunsia di provokashon kontra di un menor di edat kontra di e Ulandes Oropeo.

Ayera a presentá e sospechoso dilanti un fiskal ouksiliar ku despues di interogashon a ordená su enkarselamentu pendiente di mas investigashon.