Morto den kandela edifisio apartamento Haarlem

772
48 apartamento evakuá; 1 morto
HAARLEM—Un kandela grandi den un edifisio di apartamentonan na Haarlem a kosta bida di un habitante.

Na prome instansha a kere ku tur habitante a keda evakuá i tabata for di peliger. Algun ora despues tòg a haña un morto den un dje apartamentonan segun Veiligheidsregio Kennemerland. E kandela a surgi alrededor di 23:00 riba segundo piso di e flèt na Rudolf Steinerstraat. Pa motibunan deskonosí tabatin un eksploshon den un apartamento. Mester a evakuá 4 piso riba e kas i algun apartamentonan riba e piso pa motibu di huma. Mester a evakuá un total di 48 apartamento. Algu promé ku mei anochi a duna señal ku a domina e kandela. Habitantenan di 8 apartamento mester a keda akomodá den otro edifisio. Polis a start un investigashon riba e koousa di e eksploshon.