A atvertí premier Rhuggenaath p’e tene kuidou ku inkubrimentu

Den e karta ku a manda p’e:

1523
Premier Eugene Rhuggenaath: Charles Cooper a atvertié pa kuidou ku inkubrimiento.
WILLEMSTAD—E situashon ku a presentá ta unu inkómodo pa Premier Eugene Rhuggenaath, debí ku ta hustamente e mesun situashon aki a pone ku Steven Martina a renunsia komo minister di ekonomia.

MFK den e karta ku nan a manda a puntra Promé minister si e ta na altura ku en todo kaso te ku 26 di ougùstùs 2019, Minister Marilyn Maria Alcalá-Wallé tabata presidente (Chairman) di “Marilyn Alcalá-Wallé Foundation” i ku esaki ta kontra di e lei di screening pa huramentá i ta un Minister den funshon (lei di screening “LV Integriteits (kandidaats-) Ministers ex. artikel 7; lid 1d en Art.10; lid 1”) ? Promé Minister ta na altura ku ta ora e asuntu aki a sali den prensa (Vigilante, red) i ku tabata pendiente pa bai entregá un keho kontra di e violashon aki di nos leinan ku Minister Marilyn Maria Alcalá-Wallé a kore bai Kámara di Komersio i kita su nòmber lihé lihé, komo presidente (Chairman) di “Marilyn Alcalá-Wallé Foundation” (kompará e ekstrakto di Kámara di Komersio di “Marilyn Alcalá-Wallé Foundation” di dia 26 di ougùstùs 2019 ku esun di dia 14 di sèptèmber 2019, esaki ta un akto di inkubrimentu di algu ilegal ku a sosodé i ta sosodiendo) ? (Wak dokumentonan athunto). Promé minister ta na altura, ku te ku djasabra 14 di sèptèmber 2019, Minister Marilyn Maria Alcalá-Wallé, ta direktor statutario di “Marilyn Alcalá CQI Medische Praktijk N.V.” i ku esaki ta kontra di e lei di screening “LV Integriteits (kandidaats-) Ministers ex. artikel 7; lid 1d en Art.10; lid 1”?  Kiko promé Minister ta bai hasi, awor ku a sali na kla ku un Minister mas a violá leinan di nos pais ? Frakshon di MFK ta atvertí bo persona, pa posibel inkubrimentu di aktonan kontra di nos leinan i nos ta spera ku dentro di máksimo un luna nos haña kontesta satisfaktorio riba e asuntu grave aki.•