5 hóben a biaha pa studia i hasi deporte na Merka

1287
E 5 studiantenan/deportistanan.
WILLEMSTAD—Resientemente 5 hóben a sali rumbo pa Subiaco Academy na Arkansas Merka, pa studia i hasi deporte. E hóbennan aki ta respektivamente Ivan Martijn, Justin Luidens, Jeadan Nieveld, Jonathan Mercera i Sahir Isei.

E hóben deportistanan aki a destaká den nan deporte ku nan ta praktiká i ku ayudo di nan mayornan i Shurelton Hanley a bai studia na e prestigioso ‘Boarding School’ Subiaco Academy.

E hóbennan ariba menshoná ta praktiká e deporte di básketbòl i ta miembronan di e ekiponan di Curaçao Sharks i tambe Janwe.

Miéntras ku tin di e hóbennan aki tambe, kende ta praktiká beisbòl i futbòl. Aktualmente Mr Hanley ta atendé ku e Fundashon ku lo bai yuda pa mas hóben haña e posibilidat pa bai studia i praktiká nan deporte preferí na nivel di Highschool na Merka.

Nos ta deseá e hóbennan aki tur klase di éksito tantu den nan estudio primordialmente, komo den e deporte ku nan ta i lo bai praktiká.