5 tipo arma ta atraká komersiante chines bai ku sèn i prenda

Den oranan di mardugá den su kas riba Winston Churchillweg

2326
Polis a bai na e sitio pa asina por a kuminsá ku e investigashon.
E kompleho tin vários kámara instalá.
Willemstad— Polis a keda dirigí pa un kompleho riba Winston Churchillweg unda un famia chines a keda atraká den nan kas.
A bai laga bòshi di yabi atras den e vehíkulo.

Tabata den oranan di mardugá ku sinku tipo arma a logra di drenta den e bibienda unda un famia chines ta biba. Ta trata di un famia di chines ku ta doño di un negoshi ku ta keda bou di nan kas mes.

Polis hasiendo demas investigashon na e vehíkulo.

Ta trata di e negoshi situá riba Winston Churchillweg. Ounke ku e famia chines a trata di tur manera pa antisosialnan no drenta den nan kas poniendo hèkwèrk i asta kámara esaki no a yuda. Den oranan di mardugá nan a lanta i bin topa ku no ménos sinku tipo kara tapa i ku arma di kandela den man ta menasa nan pa asina por a kita nan pertinensha for di nan. E grupo di hòmber aki a listra den e kas unda a bai ku basta plaka, prenda i otro asesorionan. Durante di nan huida a kue yabi di un SUV i a bai ku esaki. Mas den oranan di mainta Polis a haña e informashon ku den e bario di Muizenberg mester tin un vehíkulo bandoná den un kura di un kas no habitá. Ora ku a bai na e sitio indiká a bin topa ku e SUV ku ta pertenesé na e famia chines ku a ser atraká den oranan di mardugá. Riba órden di e tim di atrako a konfiská e vehíkulo bai warda kuné pa mas investigashon.•