Grupo di hóben a eksponé nan mes na riesgo haltu di kontaminashon

A para trabou na Rif mesora ayera:

4271
WILLEMSTAD—Grupo 6 ta hopi aktivo den área di Otrobanda i ta siguiendo e desaroyonan rondó di bashamentu di pal’i mangel abou hopi di aserka.

Ayera nan tabata na rif i loke nan a konstatá tabata poko hóben trahando sin protekshon. Ta asina ku pa hasi e trabounan den e área esnan u ta traha mester bisti paknan spesial. Esaki ta enserá paña speshal, masker spesial, sapatu spesial i tambe hanskun spesial. Ta trata aki di paknan ku bo mag di usa solamente 1 biaha. Asina ku bo ta kla ku bo trabou bo mester bai den douche, baña i tira e pak afó, paso ta 1 biaha so bo mag di bisti esaki.  Den kuadro dje trabounan realisá ayera esnan di Grupo 6  a detektá violashon di reglanan den e hindervergunning ku ta pèrmití saneamentu responsabilidat di área di Mangrove. Ora a reklamá ku trahadornan ta trahando sin ekipo di minimisá riesgo di salu e kontratistanan a disidí di saka nan trahadó for dje área i para trabou. Ta asina ku na momentu dje akontesimentu Grupo 6 a informá Min Suzy Camelia Römer i ing Hensley Koeiman pa mandá kontroladó, . lokual a sosodé den oranan di 4 or pa 5 or ora ku ya a mandá tur trahadó kas. Grupo 6 ta lamentá ku e hóbennan aki kisas pa gana 75 florin pa di ata tuma e trabounan aki sin sa kiko ta e konsekuensia pa salu na momento ku bo no tin e pañanan adekuá pa ehersé e labornan. E loke nan a konstatá ayera ta algu ku por tin konsekuensia pa salud dje hóbennan aki mes, paso nan a esposonan pa hasta haña kanser den futuro. E loke ku Grupo 6 a hasi ayera ta na interes di salu dje hóbennan ku tabata trahando sin konsekuensia pa nan futuro, segun nos a keda informá.